Yeh Payam Dy Gae Hai Mujhy Baad E Subha Gaahi
From IQBAL
Revision as of 23:20, 26 May 2018 by Armisha Shahid (talk | contribs) (Created page with "<center> '''یہ پیام دے گئی ہے مجھے باد صبح گاہی''' یہ پیام دے گئی ہے مجھے باد صبح گاہی کہ خودی کے عارفو...")
یہ پیام دے گئی ہے مجھے باد صبح گاہی
یہ پیام دے گئی ہے مجھے باد صبح گاہی
کہ خودی کے عارفوں کا ہے مقام پادشاہی
تری زندگی اسی سے، تری آبرو اسی سے
جو رہی خودی تو شاہی، نہ رہی تو روسیاہی
نہ دیا نشان منزل مجھے اے حکیم تو نے
مجھے کیا گلہ ہو تجھ سے، تو نہ رہ نشیں نہ راہی
مرے حلقہ سخن میں ابھی زیر تربیت ہیں
وہ گدا کہ جانتے ہیں رہ و رسم کجکلاہی
یہ معاملے ہیں نازک، جو تری رضا ہو تو کر
کہ مجھے تو خوش نہ آیا یہ طریق خانقاہی
تو ہما کا ہے شکاری، ابھی ابتدا ہے تیری
نہیں مصلحت سے خالی یہ جہان مرغ و ماہی
تو عرب ہو یا عجم ہو، ترا لا الہ الا
لغت غریب، جب تک ترا دل نہ دے گواہی