Amin E Raaz Hai Mardan E Hur ki Darvaishi
From IQBAL
امین راز ہے مردان حر کی درویشی
امین راز ہے مردان حر کی درویشی کہ جبرئیل سے ہے اس کو نسبت خویشی
کسے خبر کہ سفینے ڈبو چکی کتنے فقیہ و صوفی و شاعر کی نا خوش اندیشی
نگاہ گرم کہ شیروں کے جس سے ہوش اڑ جائیں نہ آہ سرد کہ ہے گوسفندی و میشی
طبیب عشق نے دیکھا مجھے تو فرمایا ترا مرض ہے فقط آرزو کی بے نیشی
وہ شے کچھ اور ہے کہتے ہیں جان پاک جسے یہ رنگ و نم، یہ لہو، آب و ناں کی ہے بیشی