View source for کہوں کیا آرزوئے بے دلی مجھ کو کہاں تک ہے

<center>
==کہوں کیا آرزوئے بے دلی مجھ کو کہاں تک ہے==

کہوں کیا آرزوئے بے دلی مجھ کو کہاں تک ہے<br>
مرے بازار کی رونق ہی سودائے زیاں تک ہے<br>

وہ مے کش ہوں فروغ مے سے خود گلزار بن جائوں<br>
ہوائے گل فراق ساقی نامہرباں تک ہے<br>

چمن افروز ہے صیاد میری خوشنوائی تک<br>
رہی بجلی کی بے تابی، سو میرے آشیاں تک ہے<br>

وہ مشت خاک ہوں، فیض پریشانی سے صحرا ہوں<br>
نہ پوچھو میری وسعت کی، زمیں سے آ سماں تک ہے<br>

جرس ہوں، نالہ خوابیدہ ہے میرے ہر رگ و پے میں<br>
یہ خاموشی مری وقت رحیل کارواں تک ہے<br>

سکون دل سے سامان کشود کار پیدا کر<br>
کہ عقدہ خاطر گرداب کا آب رواں تک ہے<br>

چمن زار محبت میں خموشی موت ہے بلبل!<br>
یہاں کی زندگی پابندی رسم فغاں تک ہے<br>

جوانی ہے تو ذوق دید بھی، لطف تمنا بھی<br>
ہمارے گھر کی آبادی قیام میہماں تک ہے<br>

زمانے بھر میں رسوا ہوں مگر اے وائے نادانی!<br>
سمجھتا ہوں کہ میرا عشق میرے رازداں تک ہے<br>
</center>