View source for ــــــــ کی گود میں بلی دیکھ کر


<center>
==<big>ــــــــ کی گود میں بلی دیکھ کر</big>==

تجھ کو دزدیدہ نگاہی یہ سکھا دی کس نے<br>
رمز آغاز محبت کی بتا دی کس نے<br>

ہر ادا سے تیری پیدا ہے محبت کیسی<br>
نیلی آنکھوں سے ٹپکتی ہے ذکاوت کیسی<br>

دیکھتی ہے کبھی ان کو، کبھی شرماتی ہے<br>
کبھی اٹھتی ہے، کبھی لیٹ کے سو جاتی ہے<br>

آنکھ تیری صفت آئنہ حیران ہے کیا<br>
نور آگاہی سے روشن تری پہچان ہے کیا<br>

مارتی ہے انھیں پونہچوں سے، عجب ناز ہے یہ<br>
چھیڑ ہے، غصہ ہے یا پیار کا انداز ہے یہ؟<br>

شوخ تو ہوگی تو گودی سے اتاریں گے تجھے<br>
گر گیا پھول جو سینے کا تو ماریں گے تجھے<br>

کیا تجسس ہے تجھے، کس کی تمنائی ہے<br>
آہ! کیا تو بھی اسی چیز کی سودائی ہے<br>

خاص انسان سے کچھ حسن کا احساس نہیں<br>
صورت دل ہے یہ ہر چیز کے باطن میں مکیں<br>

شیشہ دہر میں مانند مے ناب ہے عشق<br>
روح خورشید ہے، خون رگ مہتاب ہے عشق<br>

دل ہر ذرہ میں پوشیدہ کسک ہے اس کی<br>
نور یہ وہ ہے کہ ہر شے میں جھلک ہے اس کی<br>

کہیں سامان مسرت، کہیں ساز غم ہے<br>
کہیں گوہر ہے، کہیں اشک، کہیں شبنم ہے<br>
</center>