View source for ترے عشق کی انتہا چاہتا ہوں

<center>
==ترے عشق کی انتہا چاہتا ہوں گھیپ==

ترے عشق کی انتہا چاہتا ہوں<br>
مری سادگی دیکھ کیا چاہتا ہوں<br>

ستم ہو کہ ہو وعده بے حجابی<br>
کوئی بات صبر آزما چاہتا ہوں<br>

یہ جنت مبارک رہے زاہدوں کو<br>
کہ میں آپ کا سامنا چاہتا ہوں<br>

ذرا سا تو دل ہوں، مگر شوخ اتنا<br>
وہی لن ترانی سنا چاہتا ہوں<br>

کوئی دم کا مہماں ہوں اے اہل محفل<br>
چراغ سحر ہوں، بجھا چاہتا ہوں<br>

بھری بزم میں راز کی بات کہہ دی<br>
بڑا بے ادب ہوں، سزا چاہتا ہوں<br>
</center>