View source for پیوستہ رہ شجر سے، امید بہار رکھ

<center>
== پیوستہ رہ شجر سے، امید بہار رکھ ==

ڈالی گئی جو فصل خزاں میں شجر سے ٹوٹ <br>
ممکن نہیں ہری ہو سحاب بہار سے<br>

ہے لازوال عہد خزاں اس کے واسطے<br> 
کچھ واسطہ نہیں ہے اسے برگ و بار سے<br>

ہے تیرے گلستاں میں بھی فصل خزاں کا دور<br> 
خالی ہے جیب گل زر کامل عیار سے<br>

جو نغمہ زن تھے خلوت اوراق میں طیور<br> 
رخصت ہوئے ترے شجر سایہ دار سے<br>

شاخ بریدہ سے سبق اندوز ہو کہ تو<br> 
ناآشنا ہے قاعدئہ روزگار سے<br>

ملت کے ساتھ رابطہء استوار رکھ<br> 
پیوستہ رہ شجر سے، امید بہار رکھ<br>
</center>