تصوف
From IQBAL
Revision as of 14:31, 25 May 2018 by 198.178.123.50 (talk)
يہ حکمت ملکوتی، يہ علم لاہوتی
حرم کے درد کا درماں نہيں تو کچھ بھی نہيں
يہ ذکر نيم شبی ، يہ مراقبے ، يہ سرور
تری خودی کے نگہباں نہيں تو کچھ بھی نہيں
يہ عقل، جو مہ و پرويں کا کھيلتی ہے شکار
شريک شورش پنہاں نہيں تو کچھ بھی نہيں
خرد نے کہہ بھی ديا 'لاالہ' تو کيا حاصل
دل و نگاہ مسلماں نہيں تو کچھ بھی نہيں
عجب نہيں کہ پريشاں ہے گفتگو ميری
فروغ صبح پريشاں نہيں تو کچھ بھی نہيں