توحيد
From IQBAL
Revision as of 00:10, 26 May 2018 by Zahra Naeem (talk | contribs)
توحيد
زندہ قوت تھی جہاں ميں يہی توحيد کبھی
آج کيا ہے، فقط اک مسئلۂ علم کلام
روشن اس ضو سے اگر ظلمت کردار نہ ہو
خود مسلماں سے ہے پوشيدہ مسلماں کا مقام
ميں نے اے مير سپہ! تيری سپہ ديکھی ہے
'قل ھو اللہ، کی شمشير سے خالی ہيں نيام
آہ! اس راز سے واقف ہے نہ ملا، نہ فقيہ
وحدت افکار کی بے وحدت کردار ہے خام
قوم کيا چيز ہے، قوموں کی امامت کيا ہے
اس کو کيا سمجھيں يہ بيچارے دو رکعت کے امام