Difference between revisions of "Tasweer-o-mussawir"
From IQBAL
(→تصویر و مُصوّر) |
|||
| Line 1: | Line 1: | ||
| + | <div dir="rtl"> | ||
== تصویر و مُصوّر == | == تصویر و مُصوّر == | ||
| Line 42: | Line 43: | ||
کہ تُو پِنہاں نہ ہو اپنی نظر سے | کہ تُو پِنہاں نہ ہو اپنی نظر سے | ||
| + | </div> | ||
Revision as of 15:25, 26 May 2018
تصویر و مُصوّر
تصویر
کہا تصویر نے تصویر گر سے
نمائش ہے مری تیرے ہُنر سے
ولیکن کس قدر نا مُنصفی ہے
کہ تُو پوشیدہ ہو میری نظر سے!
مُصوّر
گراں ہے چشمِ بینا دیدہ وَر پر
جہاں بینی سے کیا گُزری شرَر پر!
نظر، درد و غم و سوز و تب و تاب
تُو اے ناداں، قناعت کر خبر پر
تصویر
خبر، عقل و خِرد کی ناتوانی
نظر، دل کی حیاتِ جاودانی
نہیں ہے اس زمانے کی تگ و تاز
سزاوارِ حدیثِ ’لن ترانی‘
مُصوّر
تو ہے میرے کمالاتِ ہُنر سے
نہ ہو نومید اپنے نقش گر سے
مرے دیدار کی ہے اک یہی شرط
کہ تُو پِنہاں نہ ہو اپنی نظر سے