View source for Teh daam bhi gazhal ashna rahy tayran chaman to kiya

<center>
==تہ دام بھی غزل آشنا رہے طائران چمن تو کیا ==

تہ دام بھی غزل آشنا رہے طائران چمن تو کیا <br>
جو فغاں دلوں میں تڑپ رہی تھی، نوائے زیر لبی رہی<br>

ترا جلوہ کچھ بھی تسلی دل ناصبور نہ کر سکا <br>
وہ گریہ سحری رہا، وہی آہ نیم شبی رہی<br>

نہ خدا رہا نہ صنم رہے، نہ رقیب دیر حرم رہے <br>
نہ رہی کہیں اسد اللہی، نہ کہیں ابولہبی رہی<br>

مرا ساز اگرچہ ستم رسیدئہ زخمہ ہائے عجم رہا <br>
وہ شہید ذوق وفا ہوں میں کہ نوا مری عربی رہی<br>
</center>