View source for Kabhi ay haqiqut muntazir nazar labas mjaz main

<center>
==کبھی اے حقیقت منتظر نظر لباس مجاز میں ==

کبھی اے حقیقت منتظر نظر لباس مجاز میں <br>
کہ ہزاروں سجدے تڑپ رہے ہیں مری جبین نیاز میں<br>

طرب آشنائے خروش ہو، تو نوا ہے محرم گوش ہو <br>
وہ سرود کیا کہ چھپا ہوا ہو سکوت پردئہ ساز میں<br>

تو بچابچا کے نہ رکھ اسے، ترا آئنہ ہے وہ آئنہ <br>
کہ شکستہ ہو تو عزیز تر ہے نگاہ آئنہ ساز میں<br>

دم طوف کرمک شمع نے یہ کہا کہ وہ اثرکہن <br>
نہ تری حکایت سوز میں، نہ مری حدیث گداز میں<br>

نہ کہیں جہاں میں اماں ملی، جو اماں ملی تو کہاں ملی<br> 
مرے جرم خانہ خراب کو ترے عفو بندہ نواز میں<br>

نہ وہ عشق میں رہیں گرمیاں،نہ وہ حسن میں رہیں <br>شوخیاں 
نہ وہ غزنوی میں تڑپ رہی، نہ وہ خم ہے زلف ایاز میں<br>

جو میں سر بسجدہ ہوا کبھی تو زمیں سے آنے لگی صدا <br>
ترا دل تو ہے صنم آشنا، تجھے کیا ملے گا نماز میں<br>
</center>