View source for یوں تو اے بزم جہاں دلکش تھے ہنگامے ترے

<center>
==یوں تو اے بزم جہاں! دلکش تھے ہنگامے ترے ==

یوں تو اے بزم جہاں! دلکش تھے ہنگامے ترے <br>
اک ذرا افسردگی تیرے تماشائوں میں تھی<br>

پا گئی آسودگی کوئے محبت میں وہ خاک <br>
مدتوں آوارہ جو حکمت کے صحرائوں میں تھی<br>

کس قدر اے مے! تجھے رسم حجاب آئی پسند <br>
پردہ انگور سے نکلی تو مینائوں میں تھی<br>

حسن کی تاثیر پر غالب نہ آ سکتا تھا علم <br>
اتنی نادانی جہاں کے سارے دانائوں میں تھی<br>

میں نے اے اقبال یورپ میں اسے ڈھونڈا عبث <br>
بات جو ہندوستاں کے ماہ سیمائوں میں تھی<br>
</center>