View source for کشادہ دست کرم جب وہ بے نیاز کرے

<center>
==کشادہ دست کرم جب وہ بے نیاز کرے==

کشادہ دست کرم جب وہ بے نیاز کرے<br>
نیاز مند نہ کیوں عاجزی پہ ناز کرے<br>

بٹھا کے عرش پہ رکھا ہے تو نے اے واعظ!<br>
خدا وہ کیا ہے جو بندوں سے احتراز کرے<br>

مری نگاہ میں وہ رند ہی نہیں ساقی<br>
جو ہوشیاری و مستی میں امتیاز کرے<br>

مدام گوش بہ دل رہ، یہ ساز ہے ایسا<br>
جو ہو شکستہ تو پیدا نوائے راز کرے<br>

کوئی یہ پوچھے کہ واعظ کا کیا بگڑتا ہے<br>
جو بے عمل پہ بھی رحمت وہ بے نیاز کرے<br>

سخن میں سوز، الہی کہاں سے آتا ہے<br>
یہ چیز وہ ہے کہ پتھر کو بھی گداز کرے<br>

تمیز لالہ و گل سے ہے نالہء بلبل<br>
جہاں میں وانہ کوئی چشم امتیاز کرے<br>

غرور زہد نے سکھلا دیا ہے واعظ کو<br>
کہ بندگان خدا پر زباں دراز کرے<br>

ہوا ہو ایسی کہ ہندوستاں سے اے اقبال<br>
اڑا کے مجھ کو غبار رہ حجاز کرے<br>
</center>