View source for پھر باد بہار آئی اقبال غزل خواں ہو

<center>
==پھر باد بہار آئی، اقبال غزل خواں ہو ==

پھر باد بہار آئی، اقبال غزل خواں ہو <br>
غنچہ ہے اگر گل ہو، گل ہے تو گلستاں ہو<br>

تو خاک کی مٹھی ہے، اجزا کی حرارت سے <br>
برہم ہو، پریشاں ہو، وسعت میں بیاباں ہو<br>

تو جنس محبت ہے، قیمت ہے گراں تیری <br>
کم مایہ ہیں سوداگر، اس دیس میں ارزاں ہو<br>

کیوں ساز کے پردے میں مستور ہو لے تیری<br>
تو نغمہ رنگیں ہے، ہر گوش پہ عریاں ہو<br>

اے رہرو فرزانہ! رستے میں اگر تیرے <br>
گلشن ہے تو شبنم ہو، صحرا ہے تو طوفاں ہو<br>

ساماں کی محبت میں مضمر ہے تن آسانی<br>
مقصد ہے اگر منزل، غارت گر ساماں ہو<br>
</center>