View source for پردہ چہرے سے اٹھا انجمن آرائ کر

<center>
==پردہ چہرے سے اٹھا، انجمن آرائی کر ==

پردہ چہرے سے اٹھا، انجمن آرائی کر <br>
چشم مہر و مہ و انجم کو تماشائی کر<br>

تو جو بجلی ہے تو یہ چشمک پنہاں کب تک <br>
بے حجابانہ مرے دل سے شناسائی کر<br>

نفس گرم کی تاثیر ہے اعجاز حیات <br>
تیرے سینے میں اگر ہے تو مسیحائی کر<br>

کب تلک طور پہ دریوزہ گرمی مثل کلیم <br>
اپنی ہستی سے عیاں شعلہ سینائی کر<br>

ہو تری خاک کے ہر ذرے سے تعمیر حرم <br>
دل کو بیگانہ انداز کلیسائی کر<br>

اس گلستاں میں نہیں حد سے گزرنا اچھا <br>
ناز بھی کر تو بہ اندازئہ رعنائی کر<br>

پہلے خوددار تو مانند سکندر ہو لے <br>
پھر جہاں میں ہوس شوکت دارائی کر<br>

مل ہی جائے گی کبھی منزل لیلی اقبال! <br>
کوئی دن اور ابھی بادیہ پیمائی کر<br>
</center>