View source for نالہ فراق آرنلڈ کی یاد میں

<center>
==<big>نالہ فراق آرنلڈ کی یاد میں</big>==

جا بسا مغرب میں آخر اے مکاں تیرا مکیں<br>
آہ! مشرق کی پسند آئی نہ اس کو سر زمیں<br>

آ گیا آج اس صداقت کا مرے دل کو یقیں<br>
ظلمت شب سے ضیائے روز فرقت کم نہیں<br>

تا ز آغوش وداعش داغ حیرت چیدہ است<br>
ہمچو شمع کشتہ در چشم نگہ خوابیدہ است<br>

کشتہ عزلت ہوں، آبادی میں گھبراتا ہوں میں<br>
شہر سے سودا کی شدت میں نکل جاتا ہوں میں<br>

یاد ایام سلف سے دل کو تڑپاتا ہوں میں<br>
بہر تسکیں تیری جانب دوڑتا آتا ہوں میں<br>

آنکھ گو مانوس ہے تیرے در و دیوار سے<br>
اجنبیت ہے مگر پیدا مری رفتار سے<br>

ذرہ میرے دل کا خورشید آشنا ہونے کو تھا<br>
آئنہ ٹوٹا ہوا عالم نما ہونے کو تھا<br>

نخل میری آرزوئوں کا ہرا ہونے کو تھا<br>
آہ! کیا جانے کوئی میں کیا سے کیا ہونے کو تھا<br>

ابر رحمت دامن از گلزار من برچید و رفت<br>
اند کے بر غنچہ ہائے آرزو بارید و رفت<br>

تو کہاں ہے اے کلیم ذروئہ سینائے علم<br>
تھی تری موج نفس باد نشاط افزائے علم<br>

اب کہاں وہ شوق رہ پیمائی صحرائے علم<br>
تیرے دم سے تھا ہمارے سر میں بھی سودائے علم<br>

شور لیلی کو کہ باز آرایش سودا کند<br>
خاک مجنوں را غبار خاطر صحرا کند<br>

کھول دے گا دشت وحشت عقدئہ تقدیر کو<br>
توڑ کر پہنچوں گا میں پنجاب کی زنجیر کو<br>

دیکھتا ہے دیدئہ حیراں تری تصویر کو<br>
کیا تسلی ہو مگر گرویدہء تقریر کو<br>

تاب گویائی نہیں رکھتا دہن تصویر کا"<br>
"خامشی کہتے ہیں جس کو، ہے سخن تصویر کا<br>
</center>