View source for مثال پر تو مے طوف جام کرتے ہیں

<center>
==مثال پرتو مے، طوف جام کرتے ہیں ==

مثال پرتو مے، طوف جام کرتے ہیں <br>
یہی نماز ادا صبح و شام کرتے ہیں<br>

خصوصیت نہیں کچھ اس میں اے کلیم تری <br>
شجر حجر بھی خدا سے کلام کرتے ہیں<br>

نیا جہاں کوئی اے شمع ڈھونڈیے کہ یہاں<br>
ستم کش تپش ناتمام کرتے ہیں<br>

بھلی ہے ہم نفسو اس چمن میں خاموشی <br>
کہ خوشنوائوں کو پابند دام کرتے ہیں<br>

غرض نشاط ہے شغل شراب سے جن کی <br>
حلال چیز کو گویا حرام کرتے ہیں<br>

بھلا نبھے گی تری ہم سے کیونکر اے واعظ! <br>
کہ ہم تو رسم محبت کو عام کرتے ہیں<br>

الہی سحر ہے پیران خرقہ پوش میں کیا! <br>
کہ اک نظر سے جوانوں کو رام کرتے ہیں<br>

میں ان کی محفل عشرت سے کانپ جاتا ہوں <br>
جو گھر کو پھونک کے دنیا میں نام کرتے ہیں<br>

ہرے رہو وطن مازنی کے میدانو! <br>
جہاز پر سے تمھیں ہم سلام کرتے ہیں<br>

جو بے نماز کبھی پڑھتے ہیں نماز اقبال <br>
بلا کے دیر سے مجھ کو امام کرتے ہیں<br>
</center>