View source for سسلي جزيرہ صقليہ

<center>
==<big>'''سسلي جزيرہ صقليہ'''</big>==

رو لے اب دل کھول کر اے دیدہء خوننابہ بار<br>
وہ نظر آتا ہے تہذیب حجازی کا مزار<br>

تھا یہاں ہنگامہ ان صحرا نشینوں کا کبھی<br>
بحر بازی گاہ تھا جن کے سفینوں کا کبھی<br>

زلزلے جن سے شہنشاہوں کے درباروں میں تھے<br>
بجلیوں کے آشیانے جن کی تلواروں میں تھے<br>

اک جہان تازہ کا پیغام تھا جن کا ظہور<br>
کھا گئی عصر کہن کو جن کی تیغ ناصبور<br>

مردہ عالم زندہ جن کی شورش قم سے ہوا<br>
آدمی آزاد زنجیر توہم سے ہوا<br>

غلغلوں سے جس کے لذت گیر اب تک گوش ہے<br>
کیا وہ تکبیر اب ہمیشہ کے لیے خاموش ہے؟<br>

آہ اے سسلی! سمندرکی ہے تجھ سے آبرو<br>
رہنما کی طرح اس پانی کے صحرا میں ہے تو<br>

زیب تیرے خال سے رخسار دریا کو رہے<br>
تیری شمعوں سے تسلی بحر پیما کو رہے<br>

ہو سبک چشم مسافر پر ترا منظر مدام<br>
موج رقصاں تیرے ساحل کی چٹانوں پر مدام<br>

تو کبھی اس قوم کی تہذیب کا گہوارہ تھا<br>
حسن عالم سوز جس کا آتش نظارہ تھا<br>

نالہ کش شیراز کا بلبل ہوا بغداد پر<br>
داغ رویا خون کے آنسو جہاں آباد پر<br>

آسماں نے دولت غرناطہ جب برباد کی<br>
ابن بدروں کے دل ناشاد نے فریاد کی<br>

غم نصیب اقبال کو بخشا گیا ماتم ترا<br>
چن لیا تقدیر نے وہ دل کہ تھا محرم ترا<br>

ہے ترے آثار میں پوشیدہ کس کی داستاں<br>
تیرے ساحل کی خموشی میں ہے انداز بیاں<br>

درد اپنا مجھ سے کہہ، میں بھی سراپا درد ہوں<br>
جس کی تو منزل تھا، میں اس کارواں کی گرد ہوں<br>

رنگ تصویر کہن میں بھر کے دکھلا دے مجھے<br>
قصہ ایام سلف کا کہہ کے تڑپا دے مجھے<br>

میں ترا تحفہ سوئے ہندوستاں لے جاوں گا<br>
خود یہاں روتا ہوں، اوروں کو وہاں رلوائوں گا<br>
</center>