View source for تضمین بر شعر انیسی شاملو

<center>
==تضمین بر شعر انیسی شاملو==

ہمیشہ صورت باد سحر آوارہ رہتا ہوں <br>
محبت میں ہے منزل سے بھی خوشتر جادہ پیمائی<br>

دل بے تاب جا پہنچا دیار پیر سنجر میں<br> 
میسر ہے جہاں درمان درد نا شکیبائی<br>

ابھی نا آشنائے لب تھا حرف آرزو میرا<br> 
زباں ہونے کو تھی منت پذیر تاب گویائی<br>

یہ مرقد سے صدا آئی، حرم کے رہنے والوں کو<br> 
شکایت تجھ سے ہے اے تارک آئین آبائی!<br>

ترا اے قیس کیونکر ہوگیا سوز دروں ٹھنڈا<br> 
کہ لیلی میں تو ہیں اب تک وہی انداز لیلائی<br>

نہ تخم 'لا الہ' تیری زمین شور سے پھوٹا<br> 
زمانے بھر میں رسوا ہے تری فطرت کی نازائی<br>

تجھے معلوم ہے غافل کہ تیری زندگی کیا ہے<br> 
کنشتی ساز، معمور نوا ہائے کلیسائی<br>

ہوئی ہے تربیت آغوش بیت اللہ میں تیری<br> 
دل شوریدہ ہے لیکن صنم خانے کا سودائی<br>

وفا آموختی از ما، بکار دیگراں کر دی<br> 
ربودی گوہرے از ما نثار دیگراں کر دی<br>
</center>