View source for ایک حاجی مدینے کے راستے میں

<center>
== ایک حاجی مدینے کے راستے میں ==

قافلہ لوٹا گیا صحرا میں اور منزل ہے دور <br>
اس بیاباں یعنی بحر خشک کا ساحل ہے دور<br>
ہم سفر میرے شکار دشنہء رہزن ہوئے<br> 
بچ گئے جو، ہو کے بے دل سوئے بیت اللہ پھرے<br>
اس بخاری نوجواں نے کس خوشی سے جان دی ! <br>
موت کے زہراب میں پائی ہے اس نے زندگی<br>
خنجر رہزن اسے گویا ہلال عید تھا<br> 
'ہائے یثرب' دل میں، لب پر نعرہ توحید تھا<br>
خوف کہتا ہے کہ یثرب کی طرف تنہا نہ چل<br> 
شوق کہتا ہے کہ تو مسلم ہے، بے باکانہ چل<br>
بے زیارت سوئے بیت اللہ پھر جاوں گا کیا<br> 
عاشقوں کو روز محشر منہ نہ دکھلاوں گا کیا<br>
خوف جاں رکھتا نہیں کچھ دشت پیمائے حجاز<br> 
ہجرت مدفون یثرب میں یہی مخفی ہے راز<br>
گو سلامت محمل شامی کی ہمراہی میں ہے<br> 
عشق کی لذت مگر خطروں کے جاں کاہی میں ہے<br>
آہ! یہ عقل زیاں اندیش کیا چالاک ہے<br> 
اور تاثر آدمی کا کس قدر بے باک ہے<br>
</center>