View source for Gull Rangeen

===گل رنگیں===

تو شناسائے خراش عقدئہ مشکل نہیں<br>
اے گل رنگیں ترے پہلو میں شاید دل نہیں<br>

زیب محفل ہے، شریک شورش محفل نہیں<br>
یہ فراغت بزم ہستی میں مجھے حاصل نہیں<br>

اس چمن میں میں سراپا سوز و ساز آرزو<br>
اور تیری زندگانی بے گداز آرزو<br>

توڑ لینا شاخ سے تجھ کو مرا آئیں نہیں<br>
یہ نظر غیر از نگاہ چشم صورت بیں نہیں<br>

آہ! یہ دست جفاجو اے گل رنگیں نہیں<br>
کس طرح تجھ کو یہ سمجھائوں کہ میں گلچیں نہیں<br>

کام مجھ کو دیدئہ حکمت کے الجھیڑوں سے کیا<br>
دیدئہ بلبل سے میں کرتا ہوں نظارہ ترا<br>

سو زبانوں پر بھی خاموشی تجھے منظور ہے<br>
راز وہ کیا ہے ترے سینے میں جو مستور ہے<br>

میری صورت تو بھی اک برگ ریاض طور ہے<br>
میں چمن سے دور ہوں تو بھی چمن سے دور ہے<br>

مطمئن ہے تو، پریشاں مثل بو رہتا ہوں میں<br>
زخمی شمشیر ذوق جستجو رہتا ہوں میں<br>

یہ پریشانی مری سامان جمعیت نہ ہو<br>
یہ جگر سوزی چراغ خانہ حکمت نہ ہو<br>

ناتوانی ہی مری سرمایہ قوت نہ ہو<br>
رشک جام جم مرا آ ینہ حیرت نہ ہو<br>

یہ تلاش متصل شمع جہاں افروز ہے<br>
توسن ادراک انساں کو خرام آموز ہے<br>