Yeh Dair E Kuhan kya hai Anbar E Khas o Khashaak
From IQBAL
Revision as of 11:33, 26 May 2018 by Armisha Shahid (talk | contribs) (Created page with "<center> '''یہ دیر کہن کیا ہے، انبار خس و خاشاک''' یہ دیر کہن کیا ہے، انبار خس و خاشاک مشکل ہے گزر اس می...")
یہ دیر کہن کیا ہے، انبار خس و خاشاک
یہ دیر کہن کیا ہے، انبار خس و خاشاک
مشکل ہے گزر اس میں بے نالہ آتش ناک
نخچیر محبت کا قصہ نہیں طولانی
لطف خلش پیکاں، آسودگی فتراک
کھویا گیا جو مطلب ہفتاد و دو ملت میں
سمجھے گا نہ تو جب تک بے رنگ نہ ہو ادراک
اک شرع مسلمانی، اک جذب مسلمانی
ہے جذب مسلمانی سر فلک الافلاک
اے رہرو فرزانہ، بے جذب مسلمانی
نے راہ عمل پیدا نے شاخ یقیں نم ناک
رمزیں ہیں محبت کی گستاخی و بے باکی
ہر شوق نہیں گستاخ، ہر جذب نہیں بے باک
فارغ تو نہ بیٹھے گا محشر میں جنوں میرا
یا اپنا گریباں چاک یا دامن یزداں چاک