Difference between revisions of "Tasweer-o-mussawir"
From IQBAL
(→تصویر و مُصوّر) |
(Tag: Rollback) |
||
| (One intermediate revision by one other user not shown) | |||
| Line 1: | Line 1: | ||
| − | |||
== تصویر و مُصوّر == | == تصویر و مُصوّر == | ||
| Line 43: | Line 42: | ||
کہ تُو پِنہاں نہ ہو اپنی نظر سے | کہ تُو پِنہاں نہ ہو اپنی نظر سے | ||
| − | |||
Latest revision as of 01:01, 20 July 2018
تصویر و مُصوّر
تصویر
کہا تصویر نے تصویر گر سے
نمائش ہے مری تیرے ہُنر سے
ولیکن کس قدر نا مُنصفی ہے
کہ تُو پوشیدہ ہو میری نظر سے!
مُصوّر
گراں ہے چشمِ بینا دیدہ وَر پر
جہاں بینی سے کیا گُزری شرَر پر!
نظر، درد و غم و سوز و تب و تاب
تُو اے ناداں، قناعت کر خبر پر
تصویر
خبر، عقل و خِرد کی ناتوانی
نظر، دل کی حیاتِ جاودانی
نہیں ہے اس زمانے کی تگ و تاز
سزاوارِ حدیثِ ’لن ترانی‘
مُصوّر
تو ہے میرے کمالاتِ ہُنر سے
نہ ہو نومید اپنے نقش گر سے
مرے دیدار کی ہے اک یہی شرط
کہ تُو پِنہاں نہ ہو اپنی نظر سے