Actions

Difference between revisions of "Khirad Ny Mujhko Ataa ki Nazar Hakimana"

From IQBAL

(Created page with "<center> '''خرد نے مجھ کو عطا کی نظر حکیمانہ''' خرد نے مجھ کو عطا کی نظر حکیمانہ سکھائی عشق نے مجھ کو ح...")
 
m (Reverted edits by Ghanwa (talk) to last revision by Armisha Shahid)
(Tag: Rollback)
 
(One intermediate revision by one other user not shown)
(No difference)

Latest revision as of 01:08, 20 July 2018

خرد نے مجھ کو عطا کی نظر حکیمانہ

خرد نے مجھ کو عطا کی نظر حکیمانہ 

سکھائی عشق نے مجھ کو حدیث رندانہ

نہ بادہ ہے، نہ صراحی، نہ دور پیمانہ 

فقط نگاہ سے رنگیں ہے بزم جانانہ

مری نوائے پریشاں کو شاعری نہ سمجھ 

کہ میں ہوں محرم راز درون میخانہ

کلی کو دیکھ کہ ہے تشنہ نسیم سحر 

اسی میں ہے مرے دل کا تمام افسانہ

کوئی بتائے مجھے یہ غیاب ہے کہ حضور 

سب آشنا ہیں یہاں، ایک میں ہوں بیگانہ

فرنگ میں کوئی دن اور بھی ٹھہر جاوں 

مرے جنوں کو سنبھالے اگر یہ ویرانہ

مقام عقل سے آساں گزر گیا اقبال 

مقام شوق میں کھویا گیا وہ فرزانہ