View source for Himalaya Bang-e-Dara

<center>
==ہمالہ ==

اے ہمالہ! اے فصیل کشور ہندوستاں<br>
چومتا ہے تیری پیشانی کو جھک کر آسماں<br>

تجھ میں کچھ پیدا نہیں دیرینہ روزی کے نشاں<br>
تو جواں ہے گردش شام و سحر کے درمیاں<br>

ایک جلوہ تھا کلیم طور سینا کے لیے<br>
تو تجلی ہے سراپا چشم بینا کے لیے<br>

امتحان دیدئہ ظاہر میں کوہستاں ہے تو<br>
پاسباں اپنا ہے تو، دیوار ہندستاں ہے تو<br>

مطلع اول فلک جس کا ہو وہ دیواں ہے تو<br>
سوئے خلوت گاہ دل دامن کش انساں ہے تو<br>

برف نے باندھی ہے دستار فضیلت تیرے سر<br>
خندہ زن ہے جو کلاہ مہر عالم تاب پر<br>

تیری عمر رفتہ کی اک آن ہے عہد کہن<br>
وادیوں میں ہیں تری کالی گھٹائیں خیمہ زن<br>

چوٹیاں تیری ثریا سے ہیں سرگرم سخن<br>
تو زمیں پر اور پہنائے فلک تیرا وطن<br>

چشمہ دامن ترا ئنہ سےال ہے<br>
دامن موج ہوا جس کے لیے رومال ہے<br>

ابر کے ہاتھوں میں رہوار ہوا کے واسطے<br>
تازیانہ دے دیا برق سر کہسار نے<br>

اے ہمالہ کوئی بازی گاہ ہے تو بھی، جسے<br>
دست قدرت نے بنایا ہے عناصر کے لیے<br>

ہائے کیا فرط طرب میں جھومتا جاتا ہے ابر<br>
فیل بے زنجیر کی صورت اڑا جاتا ہے ابر<br>

جنبش موج نسیم صبح گہوارہ بنی<br>
جھومتی ہے نشہ ہستی میں ہر گل کی کلی<br>

یوں زبان برگ سے گویا ہے اس کی خامشی<br>
دست گلچیں کی جھٹک میں نے نہیں دیکھی کبھی<br>

کہہ رہی ہے میری خاموشی ہی افسانہ مرا<br>
کنج خلوت خانہ قدرت ہے کاشانہ مرا<br>

آتی ہے ندی فراز کوہ سے گاتی ہوئی<br>
کوثر و تسنیم کی موجوں کی شرماتی ہوئی<br>

آئنہ سا شاہد قدرت کو دکھلاتی ہوئی<br>
سنگ رہ سے گاہ بچتی، گاہ ٹکراتی ہوئی<br>

چھیڑتی جا اس عراق دل نشیں کے ساز کو<br>
اے مسافر دل سمجھتا ہے تری آواز کو<br>

لیلی شب کھولتی ہے آ کے جب زلف رسا<br>
دامن دل کھینچتی ہے آبشاروں کی صدا<br>

وہ خموشی شام کی جس پر تکلم ہو فدا<br>
وہ درختوں پر تفکر کا سماں چھایا ہوا<br>

کانپتا پھرتا ہے کیا رنگ شفق کہسار پر<br>
خوشنما لگتا ہے یہ غازہ ترے رخسار پر<br>

اے ہمالہ! داستاں اس وقت کی کوئی سنا<br>
مسکن آبائے انساں جب بنا دامن ترا<br>

کچھ بتا اس سیدھی سادی زندگی کا ماجرا<br>
داغ جس پر غازئہ رنگ تکلف کا نہ تھا<br>

ہاں دکھا دے اے تصور!پھر وہ صبح و شام تو<br>
دوڑ پیچھے کی طرف اے گردش ایام تو<br>
</center>