Azad ki rag sakht hai Manid rag-e-sang
From IQBAL
آزاد کی رگ سخت ہے مانندِ رگِ سنگ
آزاد کی رگ سخت ہے مانندِ رگِ سنگ
محکوم کی رگ نرم ہے مانندِ رگِ تاک
محکوم کا دل مُردہ و افسردہ و نومید
آزاد کا دل زندہ و پُرسوز و طرب ناک
آزاد کی دولت دلِ روشن، نفسِ گرم
محکوم کا سرمایہ فقط دیدۀ نم ناک
محکوم ہے بیگانۀ اخلاص و مروّت
ہر چند کہ منطق کی دلیلوں میں ہے چالاک
ممکن نہیں محکوم ہو آزاد کا ہمدوش
وہ بندۀ افلاک ہے، یہ خواجۀ افلاک