View source for ۔بُڈھّے بلوچ کی نصیحت بیٹے کو

<center>
== '''۔بُڈھّے بلوچ کی نصیحت بیٹے کو''' ==</br>
ہو تیرے بیاباں کی ہوا تجھ کو گوارا</br>
اس دشت سے بہتر ہے نہ دِلّی نہ بخارا</br>
جس سمت میں چاہے صفَتِ سیلِ رواں چل</br>
وادی یہ ہماری ہے، وہ صحرا بھی ہمارا</br>
غیرت ہے بڑی چیز جہانِ تگ و دَو میں</br>
پہناتی ہے درویش کو تاجِ سرِ دارا</br>
حاصل کسی کامل سے یہ پوشیدہ ہُنَر کر</br>
کہتے ہیں کہ شیشے کو بنا سکتے ہیں خارا</br>
افراد کے ہاتھوں میں ہے اقوام کی تقدیر</br>
ہر فرد ہے ملّت کے مقدّر کا ستارا</br>
محروم رہا دولتِ دریا سے وہ غوّاص</br>
کرتا نہیں جو صُحبتِ ساحل سے کنارا</br>
دِیں ہاتھ سے دے کر اگر آزاد ہو ملّت</br>
ہے ایسی تجارت میں مسلماں کا خسارا</br>
دنیا کو ہے پھر معرکۀ رُوح و بدن پیش</br>
تہذیب نے پھر اپنے درِندوں کو اُبھارا</br>
اللہ کو پامردیِ مومن پہ بھروسا</br>
اِبلیس کو یورپ کی مشینوں کا سہارا</br>
تقدیرِ اُمَم کیا ہے، کوئی کہہ نہیں سکتا</br>
مومن کی فراست ہو تو کافی ہے اشارا</br>
اخلاصِ عمل مانگ نیا گانِ کُہن سے</br>
’شاہاں چہ عجب گر بنوازند گدا را!‘</br>
</center>