Actions

کيا چرخ کج رو ، کيا مہر ، کيا ماہ

From IQBAL

Revision as of 19:03, 26 May 2018 by Zahra Naeem (talk | contribs)

"

کيا چرخ کج رو ، کيا مہر ، کيا ماہ

کيا چرخ کج رو ، کيا مہر ، کيا ماہ

سب راہرو ہيں واماندہ راہ

کڑکا سکندر بجلي کي مانند

تجھ کو خبر ہے اے مرگ ناگاہ

نادر نے لوٹي دلي کي دولت

اک ضرب شمشير ، افسانہ کوتاہ

افغان باقي ، کہسار باقي

الحکم للہ ! الملک للہ

حاجت سے مجبور مردان آزاد

کرتي ہے حاجت شيروں کو روباہ

محرم خودي سے جس دم ہوا فقر

تو بھي شہنشاہ ، ميں بھي شہنشاہ

قوموں کي تقدير وہ مرد درويش

جس نے نہ ڈھونڈي سلطاں کي درگاہ