View source for چمک تیری عیاں بجلی میں آتش میں شرارے میں

<center>
==چمک تیری عیاں بجلی میں، آتش میں، شرارے میں ==

چمک تیری عیاں بجلی میں، آتش میں، شرارے میں <br>
جھلک تیری ہویدا چاند میں،سورج میں، تارے میں<br>

بلندی آسمانوں میں، زمینوں میں تری پستی <br>
روانی بحر میں، افتادگی تیری کنارے میں<br>

شریعت کیوں گریباں گیر ہو ذوق تکلم کی<br>
چھپا جاتا ہوں اپنے دل کا مطلب استعارے میں<br>

جو ہے بیدار انساں میں وہ گہری نیند سوتا ہے <br>
شجر میں، پھول میں، حیواں میں، پتھر میں، ستارے میں<br>

مجھے پھونکا ہے سوز قطرہء اشک محبت نے <br>
غضب کی آگ تھی پانی کے چھوٹے سے شرارے میں<br>

نہیں جنس ثواب آخرت کی آرزو مجھ کو <br>
وہ سوداگر ہوں، میں نے نفع دیکھا ہے خسارے میں<br>

سکوں نا آشنا رہنا اسے سامان ہستی ہے <br>
تڑپ کس دل کی یا رب چھپ کے آ بیٹھی ہے پارے میں<br>

صدائے لن ترانی سن کے اے اقبال میں چپ ہوں <br>
تقاضوں کی کہاں طاقت ہے مجھ فرقت کے مارے میں<br>
</center>