Actions

قلندر کی پہچان

From IQBAL

Revision as of 00:32, 26 May 2018 by Zahra Naeem (talk | contribs)

قلندر_کی_پہچان

کہتا ہے زمانے سے يہ درويش جواں مرد

جاتا ہے جدھر بندۂ حق، تو بھی ادھر جا

ہنگامے ہيں ميرے تری طاقت سے زيادہ

بچتا ہوا بنگاہ قلندر سے گزر جا

ميں کشتی و ملاح کا محتاج نہ ہوں گا

چڑھتا ہوا دريا ہے اگر تو تو اتر جا

توڑا نہيں جادو مری تکبير نے تيرا؟

ہے تجھ ميں مکر جانے کی جرات تو مکر جا

مہر و مہ و انجم کا محاسب ہے قلندر

ايام کا مرکب نہيں، راکب ہے قلندر