View source for عشرت امروز

<center>
=='''عشرت امروز'''==

نہ مجھ سے کہہ کہ اجل ہے پیام عیش و سرور<br>
نہ کھینچ نقشہ کیفیت شراب طہور<br>

فراق حور میں ہو غم سے ہمکنار نہ تو<br>
پری کو شیشہ الفاظ میں اتار نہ تو<br>

مجھے فریفتہ ساقی جمیل نہ کر <br>
بیان حور نہ کر، ذکر سلسبیل نہ کر<br>

مقام امن ہے جنت، مجھے کلام نہیں<br> 
شباب کے لیے موزوں ترا پیام نہیں<br>

شباب، آہ! کہاں تک امیدوار رہے<br>
وہ عیش، عیش نہیں، جس کا انتظار رہے<br>

وہ حسن کیا جو محتاج چشم بینا ہو<br>
نمود کے لیے منت پذیر فردا ہو<br>

عجیب چیز ہے احساس زندگانی کا<br> 
عقیدہ 'عشرت امروز' ہے جوانی کا<br>
</center>