View source for عبدالقادر کے نام

<center>
==<big>'''عبدالقادر کے نام'''</big>==

اٹھ کہ ظلمت ہوئی پیدا افق خاور پر<br>
بزم میں شعلہ نوائی سے اجالا کر دیں<br>

ایک فریاد ہے مانند سپند اپنی بساط<br> 
اسی ہنگامے سے محفل تہ و بالا کر دیں<br>

اہل محفل کو دکھا دیں اثر صیقل عشق<br>
سنگ امروز کو آئینہ فردا کر دیں<br>

جلوہ یوسف گم گشتہ دکھا کر ان کو<br> 
تپش آمادہ تر از خون زلیخا کر دیں<br>

اس چمن کو سبق آئین نمو کا دے کر<br> 
قطرہ شبنم بے مایہ کو دریا کر دیں<br>

رخت جاں بت کدہء چیں سے اٹھا لیں اپنا<br>
سب کو محو رخ سعدی و سلیمی کر دیں<br>


دیکھ! یثرب میں ہوا ناقہ لیلی بیکار<br> 
قیس کو آرزوئے نو سے شناسا کر دیں<br>

بادہ دیرینہ ہو اور گرم ہو ایسا کہ گداز<br> 
جگر شیشہ و پیمانہ و مینا کر دیں<br>

گرم رکھتا تھا ہمیں سردی مغرب میں جو داغ<br> 
چیر کر سینہ اسے وقف تماشا کر دیں<br>

شمع کی طرح جییں بزم گہ عالم میں<br>
خود جلیں، دیدہ اغیار کو بینا کر دیں<br>

ہر چہ در دل گذرد وقف زباں دارد شمع<br>
سوختن نیست خیالے کہ نہاں دارد شمع<br>
</center>