View source for صبح کا ستارہ

<center>
==<big>صبح کا ستارہ</big>==

لطف ہمسایگی شمس و قمر کو چھوڑوں<br>
اور اس خدمت پیغام سحر کو چھوڑوں<br>

میرے حق میں تو نہیں تاروں کی بستی اچھی<br>
اس بلندی سے زمیں والوں کی پستی اچھی<br>

آسماں کیا، عدم آباد وطن ہے میرا<br>
صبح کا دامن صد چاک کفن ہے میرا<br>

میری قسمت میں ہے ہر روز کا مرنا جینا<br>
ساقی موت کے ہاتھوں سے صبوحی پینا<br>

نہ یہ خدمت، نہ یہ عزت، نہ یہ رفعت اچھی<br>
اس گھڑی بھر کے چمکنے سے تو ظلمت اچھی<br>

میری قدرت میں جو ہوتا، تو نہ اختر بنتا<br>
قعر دریا میں چمکتا ہوا گوہر بنتا<br>

واں بھی موجوں کی کشاکش سے جو دل گھبراتا<br>
چھوڑ کر بحر کہیں زیب گلو ہو جاتا<br>

ہے چمکنے میں مزا حسن کا زیور بن کر<br>
زینت تاج سر بانوئے قیصر بن کر<br>

ایک پتھر کے جو ٹکڑے کا نصیبا جاگا<br>
خاتم دست سلیماں کا نگیں بن کے رہا<br>

ایسی چنروں کا مگر دہر میں ہے کام شکست<br>
ہے گہر ہائے گراں مایہ کا انجام شکست<br>

زندگی وہ ہے کہ جو ہو نہ شناسائے اجل<br>
کیا وہ جینا ہے کہ ہو جس میں تقاضائے اجل<br>

ہے یہ انجام اگر زینت عالم ہو کر<br>
کیوں نہ گر جائو ں کسی پھول پہ شبنم ہو کر<br>

کسی پیشانی کے افشاں کے ستاروں میں رہوں<br>
کس مظلوم کی آہوں کے شراروں میں رہوں<br>

اشک بن کر سرمژگاں سے اٹک جائوں میں<br>
کیوں نہ اس بیوی کی آنکھوں سے ٹپک جائوں میں<br>

جس کا شوہر ہو رواں، ہو کے زرہ میں مستور<br>
سوئے میدان وغا، حب وطن سے مجبور<br>

یاس و امید کا نظارہ جو دکھلاتی ہو<br>
جس کی خاموشی سے تقریر بھی شرماتی ہو<br>

جس کو شوہر کی رضا تاب شکیبائی دے<br>
اور نگاہوں کو حیا طاقت گویائی دے<br>

زرد، رخصت کی گھڑی، عارض گلگوں ہو جائے<br>
کشش حسن غم ہجر سے افزوں ہو جائے<br>

لاکھ وہ ضبط کرے پر میں ٹپک ہی جائوں<br>
ساغر دیدئہ پرنم سے چھلک ہی جائوں<br>

خاک میں مل کے حیات ابدی پا جائوں<br>
عشق کا سوز زمانے کو دکھاتا جائوں<br>
</center>