شیکسپیر
From IQBAL
Revision as of 22:33, 26 May 2018 by Jawad Shah (talk | contribs) (Created page with "<center> == شیکسپیر == شفق صبح کو دریا کا خرام آئینہ <br> نغمہ شام کو خاموشی شام آئینہ<br> برگ گل آئنہ عارض...")
شیکسپیر
شفق صبح کو دریا کا خرام آئینہ
نغمہ شام کو خاموشی شام آئینہ
برگ گل آئنہ عارض زبیائے بہار
شاہد مے کے لیے حجلہ جام آئینہ
حسن آئنہ حق اور دل آئنہ حسن
دل انساں کو ترا حسن کلام آئینہ
ہے ترے فکر فلک رس سے کمال ہستی
کیا تری فطرت روشن تھی مآل ہستی
تجھ کو جب دیدئہ دیدار طلب نے ڈھونڈا
تاب خورشید میں خورشید کو پنہاں دیکھا
چشم عالم سے تو ہستی رہی مستور تری
اور عالم کو تری آنکھ نے عریاں دیکھا
حفظ اسرار کا فطرت کو ہے سودا ایسا
رازداں پھر نہ کرے گی کوئی پیدا ایسا