View source for زمانہ دیکھے گا جب مرے دل سے محشر اٹھے گا گفتگو کا

<center>
==زمانہ دیکھے گا جب مرے دل سے محشر اٹھے گا گفتگو کا== 

زمانہ دیکھے گا جب مرے دل سے محشر اٹھے گا گفتگو کا<br>
مری خموشی نہیں ہے، گویا مزار ہے حرف آرزو کا<br>

جو موج دریا لگی یہ کہنے، سفر سے قائم ہے شان میری <br>
گہر یہ بولا صدف نشینی ہے مجھ کو سامان آبرو کا<br>

نہ ہو طبیعت ہی جن کی قابل، وہ تربیت سے نہیں <br>سنورتے 
ہوا نہ سرسبز رہ کے پانی میں عکس سرو کنار جو کا<br>

کوئی دل ایسا نظر نہ آیا نہ جس میں خوابیدہ ہو تمنا <br>
الہی تیرا جہان کیا ہے نگار خانہ ہے آرزو کا<br>

کھلا یہ مر کر کہ زندگی اپنی تھی طلسم ہوس سراپا <br>
جسے سمجھتے تھے جسم خاکی، غبار تھا کوئے آرزو کا<br>

اگر کوئی شے نہیں ہے پنہاں تو کیوں سراپا تلاش ہوں <br>میں 
نگہ کو نظارے کی تمنا ہے، دل کو سودا ہے جستجو کا<br>

چمن میں گلچیں سے غنچہ کہتا تھا، اتنا بیدرد کیوں ہے<br> انساں 
تری نگاہوں میں ہے تبسم شکستہ ہونا مرے سبو کا<br>

ریاض ہستی کے ذرے ذرے سے ہے محبت کا جلوہ پیدا <br>
حقیقت گل کو تو جو سمجھے تو یہ بھی پیماں ہے رنگ<br>و بو کا

تمام مضموں مرے پرانے، کلام میرا خطا سراپا <br>
ہنر کوئی دیکھتا ہے مجھ میں تو عیب ہے میرے عیب جو کا<br>

سپاس شرط ادب ہے ورنہ کرم ترا ہے ستم سے بڑھ کر <br>
ذرا سا اک دل دیا ہے، وہ بھی فریب خوردہ ہے آرزو کا<br>

کمال وحدت عیاں ہے ایسا کہ نوک نشتر سے تو جو <br>چھیڑے 
یقیں ہے مجھ کو گرے رگ گل سے قطرہ انسان کے لہو کا<br>

گیا ہے تقلید کا زمانہ، مجاز رخت سفر اٹھائے <br>
ہوئی حقیقت ہی جب نمایاں تو کس کو یارا ہے گفتگو کا<br>

جو گھر سے اقبال دور ہوں میں، تو ہوں نہ محزوں عزیز<br> میرے 
مثال گوہر وطن کی فرقت کمال ہے میری آبرو کا<br>
</center>