View source for خطاب بہ جوانان اسلام

<center>
== خطاب بہ جوانان اسلام ==

کبھی اے نوجواں مسلم! تدبر بھی کیا تو نے <br>
وہ کیا گردوں تھا تو جس کا ہے اک ٹوٹا ہوا تارا<br>

تجھے اس قوم نے پالا ہے آغوش محبت میں<br> 
کچل ڈالا تھا جس نے پائوں میں تاج سر دارا<br>

تمدن آفریں خلاق آئین جہاں داری<br> 
وہ صحرائے عرب یعنی شتربانوں کا گہوارا<br>

سماں 'الفقر فخری' کا رہا شان امارت میں<br>
بآب و رنگ و خال و خط چہ حاجت روے زیبا را<br>

گدائی میں بھی وہ اللہ والے تھے غیور اتنے<br> 
کہ منعم کو گدا کے ڈر سے بخشش کا نہ تھا یارا<br>

غرض میں کیا کہوں تجھ سے کہ وہ صحرا نشیں کیا تھے<br> 
جہاں گیر و جہاں دار و جہاں بان و جہاں آرا<br>

اگر چاہوں تو نقشہ کھینچ کر الفاظ میں رکھ دوں<br> 
مگر تیرے تخیل سے فزوں تر ہے وہ نظارا<br>

تجھے آبا سے اپنے کوئی نسبت ہو نہیں سکتی<br> 
کہ تو گفتار وہ کردار، تو ثابت وہ سےارا<br>

گنوا دی ہم نے جو اسلاف سے میراث پائی تھی<br> 
ثریا سے زمیں پر آسماں نے ہم کو دے مارا<br>

حکومت کا تو کیا رونا کہ وہ اک عارضی شے تھی<br> 
نہیں دنیا کے آئین مسلم سے کوئی چارا<br>

مگر وہ علم کے موتی، کتابیں اپنے آبا کی<br> 
جو دیکھیں ان کو یورپ میں تو دل ہوتا ہے سیپارا<br>

غنی! روز سیاہ پیر کنعاں را تماشا کن<br> 
کہ نور دیدہ اش روشن کند چشم زلیخا را<br>
</center>