Difference between revisions of "عبدالقادر کے نام"
From IQBAL
Sana Maqsood (talk | contribs) (Created page with "</center> ==<big>'''عبدالقادر کے نام'''</big>== اٹھ کہ ظلمت ہوئی پیدا افق خاور پر<br> بزم میں شعلہ نوائی سے اجال...") |
Sana Maqsood (talk | contribs) |
||
Line 1: | Line 1: | ||
− | < | + | <center> |
==<big>'''عبدالقادر کے نام'''</big>== | ==<big>'''عبدالقادر کے نام'''</big>== | ||
Latest revision as of 11:37, 26 May 2018
عبدالقادر کے نام
اٹھ کہ ظلمت ہوئی پیدا افق خاور پر
بزم میں شعلہ نوائی سے اجالا کر دیں
ایک فریاد ہے مانند سپند اپنی بساط
اسی ہنگامے سے محفل تہ و بالا کر دیں
اہل محفل کو دکھا دیں اثر صیقل عشق
سنگ امروز کو آئینہ فردا کر دیں
جلوہ یوسف گم گشتہ دکھا کر ان کو
تپش آمادہ تر از خون زلیخا کر دیں
اس چمن کو سبق آئین نمو کا دے کر
قطرہ شبنم بے مایہ کو دریا کر دیں
رخت جاں بت کدہء چیں سے اٹھا لیں اپنا
سب کو محو رخ سعدی و سلیمی کر دیں
دیکھ! یثرب میں ہوا ناقہ لیلی بیکار
قیس کو آرزوئے نو سے شناسا کر دیں
بادہ دیرینہ ہو اور گرم ہو ایسا کہ گداز
جگر شیشہ و پیمانہ و مینا کر دیں
گرم رکھتا تھا ہمیں سردی مغرب میں جو داغ
چیر کر سینہ اسے وقف تماشا کر دیں
شمع کی طرح جییں بزم گہ عالم میں
خود جلیں، دیدہ اغیار کو بینا کر دیں
ہر چہ در دل گذرد وقف زباں دارد شمع
سوختن نیست خیالے کہ نہاں دارد شمع