View source for Yeah sarood qamri o bulbul fraib gosh hy

<center>
==یہ سرود قمری و بلبل فریب گوش ہے ==

یہ سرود قمری و بلبل فریب گوش ہے <br>
باطن ہنگامہ آباد چمن خاموش ہے<br>

تیرے پیمانوں کا ہے یہ اے مےء مغرب اثر <br>
خندہ زن ساقی ہے، ساری انجمن بے ہوش ہے<br>

دہر کے غم خانے میں تیرا پتا ملتا نہیں <br>
جرم تھا کیا آفرینش بھی کہ تو روپوش ہے<br>

آہ! دنیا دل سمجھتی ہے جسے، وہ دل نہیں <br>
پہلوئے انساں میں اک ہنگامہء خاموش ہے<br>

زندگی کی رہ میں چل، لیکن ذرا بچ بچ کے چل <br>
یہ سمجھ لے کوئی مینا خانہ بار دوش ہے<br>

جس کے دم سے دلی و لاہور ہم پہلو ہوئے <br>
آہ، اے اقبال وہ بلبل بھی اب خاموش ہے<br>
</center>