http://iqbal.wiki/index.php?title=User_talk:Waseem&feed=atom&action=historyUser talk:Waseem - Revision history2024-03-29T08:45:18ZRevision history for this page on the wikiMediaWiki 1.31.0-rc.0http://iqbal.wiki/index.php?title=User_talk:Waseem&diff=3&oldid=prevWaseem: /* ابلیس کی مجلس شوری */ new section2018-05-23T07:30:15Z<p><span dir="auto"><span class="autocomment">ابلیس کی مجلس شوری: </span> new section</span></p>
<p><b>New page</b></p><div>== ابلیس کی مجلس شوری ==<br />
<br />
<br />
ابلیس<br />
<br />
یہ عناصر کا پرانا کھیل، یہ دنیائے دوں<br />
ساکنان عرش اعظم کی تمناؤں کا خوں!<br />
<br />
اس کی بربادی پہ آج آمادہ ہے وہ کارساز<br />
جس نے اس کا نام رکھا تھا جہان کاف و نوں<br />
<br />
میں نے دکھلایا فرنگی کو ملوکیت کا خواب<br />
میں نے توڑا مسجد و دیر و کلیسا کا فسوں<br />
<br />
میں نے ناداروں کو سکھلایا سبق تقدیر کا<br />
میں نے منعم کو دیا سرمایہ داری کا جنوں<br />
<br />
کون کر سکتا ہے اس کی آتش سوزاں کو سرد<br />
جس کے ہنگاموں میں ہو ابلیس کا سوز دروں<br />
<br />
جس کی شاخیں ہوں ہماری آبیاری سے بلند<br />
کون کر سکتا ہے اس نخل کہن کو سرنگوں!<br />
<br />
<br />
پہلا مشیر<br />
<br />
اس میں کیا شک ہے کہ محکم ہے یہ ابلیسی نظام<br />
پختہ تر اس سے ہوئے خوئے غلامی میں عوام<br />
<br />
ہے ازل سے ان غریبوں کے مقدر میں سجود<br />
ان کی فطرت کا تقاضا ہے نماز بے قیام<br />
<br />
آرزو اول تو پیدا ہو نہیں سکتی کہیں<br />
ہو کہیں پیدا تو مر جاتی ہے یا رہتی ہے خام<br />
<br />
یہ ہماری سعی پیہم کی کرامت ہے کہ آج<br />
صوفی و ملا ملوکیت کے بندے ہیں تمام<br />
<br />
طبع مشرق کے لیے موزوں یہی افیون تھی<br />
ورنہ 'قوالی' سے کچھ کم تر نہیں 'علم کلام'!<br />
<br />
ہے طواف و حج کا ہنگامہ اگر باقی تو کیا<br />
کند ہو کر رہ گئی مومن کی تیغ بے نیام<br />
<br />
کس کی نومیدی پہ حجت ہے یہ فرمان جدید؟<br />
'ہے جہاد اس دور میں مرد مسلماں پر حرام!<br />
<br />
<br />
دوسرا مشیر<br />
<br />
خیر ہے سلطانی جمہور کا غوغا کہ شر<br />
تو جہاں کے تازہ فتنوں سے نہیں ہے با خبر!<br />
<br />
<br />
پہلا مشیر<br />
<br />
ہوں، مگر میری جہاں بینی بتاتی ہے مجھے<br />
جو ملوکیت کا اک پردہ ہو، کیا اس سے خطر!<br />
<br />
ہم نے خود شاہی کو پہنایا ہے جمہوری لباس<br />
جب ذرا آدم ہوا ہے خود شناس و خود نگر<br />
<br />
کاروبار شہریاری کی حقیقت اور ہے<br />
یہ وجود میر و سلطاں پر نہیں ہے منحصر<br />
<br />
مجلس ملت ہو یا پرویز کا دربار ہو<br />
ہے وہ سلطاں، غیر کی کھیتی پہ ہو جس کی نظر<br />
<br />
تو نے کیا دیکھا نہیں مغرب کا جمہوری نظام<br />
چہرہ روشن، اندروں چنگیز سے تاریک تر!<br />
<br />
<br />
تیسرا مشیر<br />
<br />
روح سلطانی رہے باقی تو پھر کیا اضطراب<br />
ہے مگر کیا اس یہودی کی شرارت کا جواب؟<br />
<br />
وہ کلیم بے تجلی، وہ مسیح بے صلیب<br />
نیست پیغمبر و لیکن در بغل دارد کتاب<br />
<br />
کیا بتاؤں کیا ہے کافر کی نگاہ پردہ سوز<br />
مشرق و مغرب کی قوموں کے لیے روز حساب!<br />
<br />
اس سے بڑھ کر اور کیا ہوگا طبیعت کا فساد<br />
توڑ دی بندوں نے آقاؤں کے خیموں کی طناب!<br />
<br />
<br />
چوتھا مشیر<br />
<br />
توڑ اس کا رومہ الکبرے کے ایوانوں میں دیکھ<br />
آل سیزر کو دکھایا ہم نے پھر سیزر کا خواب<br />
<br />
کون بحر روم کی موجوں سے ہے لپٹا ہوا<br />
'گاہ بالد چوں صنوبر، گاہ نالد چوں رباب،<br />
<br />
<br />
تیسرا مشیر<br />
<br />
میں تو اس کی عاقبت بینی کا کچھ قائل نہیں<br />
جس نے افرنگی سیاست کو کیا یوں بے حجاب<br />
<br />
<br />
پانچواں مشیر<br />
( ابلیس کو مخاطب کرکے(<br />
<br />
<br />
اے ترے سوز نفس سے کار عالم استوار!<br />
تو نے جب چاہا، کیا ہر پردگی کو آشکار<br />
<br />
آب و گل تیری حرارت سے جہان سوز و ساز<br />
ابلہ جنت تری تعلیم سے دانائے کار<br />
<br />
تجھ سے بڑھ کر فطرت آدم کا وہ محرم نہیں<br />
سادہ دل بندوں میں جو مشہور ہے پروردگار<br />
<br />
کام تھا جن کا فقط تقدیس و تسبیح و طواف<br />
تیری غیرت سے ابد تک سرنگون و شرمسار<br />
<br />
گرچہ ہیں تیرے مرید افرنگ کے ساحر تمام<br />
اب مجھے ان کی فراست پر نہیں ہے اعتبار<br />
<br />
وہ یہودی فتنہ گر، وہ روح مزدک کا بروز<br />
ہر قبا ہونے کو ہے اس کے جنوں سے تار تار<br />
<br />
زاغ دشتی ہو رہا ہے ہمسر شاہین و چرغ<br />
کتنی سرعت سے بدلتا ہے مزاج روزگار<br />
<br />
چھا گئی آشفتہ ہو کر وسعت افلاک پر<br />
جس کو نادانی سے ہم سمجھے تھے اک مشت غبار<br />
<br />
فتنہء فردا کی ہیبت کا یہ عالم ہے کہ آج<br />
کانپتے ہیں کوہسار و مرغزار و جوئبار<br />
<br />
میرے آقا! وہ جہاں زیر و زبر ہونے کو ہے<br />
جس جہاں کا ہے فقط تیری سیادت پر مدار<br />
<br />
<br />
ابلیس<br />
( اپنے مشیروں سے)<br />
<br />
ہے مرے دست تصرف میں جہان رنگ و بو<br />
کیا زمیں، کیا مہر و مہ، کیا آسمان تو بتو<br />
<br />
دیکھ لیں گے اپنی آنکھوں سے تماشا غرب و شرق<br />
میں نے جب گرما دیا اقوام یورپ کا لہو<br />
<br />
کیا امامان سیاست، کیا کلیسا کے شیوخ<br />
سب کو دیوانہ بنا سکتی ہے میری ایک ہو<br />
<br />
کارگاہ شیشہ جو ناداں سمجھتا ہے اسے<br />
توڑ کر دیکھے تو اس تہذیب کے جام و سبو!<br />
<br />
دست فطرت نے کیا ہے جن گریبانوں کو چاک<br />
مزدکی منطق کی سوزن سے نہیں ہوتے رفو<br />
<br />
کب ڈرا سکتے ہیں مجھ کو اشتراکی کوچہ گرد<br />
یہ پریشاں روزگار، آشفتہ مغز، آشفتہ مو<br />
<br />
ہے اگر مجھ کو خطر کوئی تو اس امت سے ہے<br />
جس کی خاکستر میں ہے اب تک شرار آرزو<br />
<br />
خال خال اس قوم میں اب تک نظر آتے ہیں وہ<br />
کرتے ہیں اشک سحر گاہی سے جو ظالم وضو<br />
<br />
جانتا ہے، جس پہ روشن باطن ایام ہے<br />
مزدکیت فتنہ فردا نہیں، اسلام ہے!<br />
<br />
(2)<br />
<br />
جانتا ہوں میں یہ امت حامل قرآں نہیں<br />
ہے وہی سرمایہ داری بندہ مومن کا دیں<br />
<br />
جانتا ہوں میں کہ مشرق کی اندھیری رات میں<br />
بے ید بیضا ہے پیران حرم کی آستیں<br />
<br />
عصر حاضر کے تقاضاؤں سے ہے لیکن یہ خوف<br />
ہو نہ جائے آشکارا شرع پیغمبر کہیں<br />
<br />
الحذر! آئین پیغمبر سے سو بار الحذر<br />
حافظ ناموس زن، مرد آزما، مرد آفریں<br />
<br />
موت کا پیغام ہر نوع غلامی کے لیے<br />
نے کوئی فغفور و خاقاں، نے فقیر رہ نشیں<br />
<br />
کرتا ہے دولت کو ہر آلودگی سے پاک صاف<br />
منعموں کو مال و دولت کا بناتا ہے امیں<br />
<br />
اس سے بڑھ کر اور کیا فکر و عمل کا انقلاب<br />
پادشاہوں کی نہیں، اللہ کی ہے یہ زمیں!<br />
<br />
چشم عالم سے رہے پوشیدہ یہ آئیں تو خوب<br />
یہ غنیمت ہے کہ خود مومن ہے محروم یقیں<br />
<br />
ہے یہی بہتر الہیات میں الجھا رہے<br />
یہ کتاب اللہ کی تاویلات میں الجھا رہے<br />
<br />
(3)<br />
<br />
توڑ ڈالیں جس کی تکبیریں طلسم شش جہات<br />
ہو نہ روشن اس خدا اندیش کی تاریک رات<br />
<br />
ابن مریم مر گیا یا زندہ جاوید ہے<br />
ہیں صفات ذات حق، حق سے جدا یا عین ذات؟<br />
<br />
آنے والے سے مسیح ناصری مقصود ہے<br />
یا مجدد، جس میں ہوں فرزند مریم کے صفات؟<br />
<br />
ہیں کلام اللہ کے الفاظ حادث یا قدیم<br />
امت مرحوم کی ہے کس عقیدے میں نجات؟<br />
<br />
کیا مسلماں کے لیے کافی نہیں اس دور میں<br />
یہ الہیات کے ترشے ہوئے لات و منات؟<br />
<br />
تم اسے بیگانہ رکھو عالم کردار سے<br />
تا بساط زندگی میں اس کے سب مہرے ہوں مات<br />
<br />
خیر اسی میں ہے، قیامت تک رہے مومن غلام<br />
چھوڑ کر اوروں کی خاطر یہ جہان بے ثبات<br />
<br />
ہے وہی شعر و تصوف اس کے حق میں خوب تر<br />
جو چھپا دے اس کی آنکھوں سے تماشائے حیات<br />
<br />
ہر نفس ڈرتا ہوں اس امت کی بیداری سے میں<br />
ہے حقیقت جس کے دیں کی احتساب کائنات<br />
<br />
مست رکھو ذکر و فکر صبحگاہی میں اسے<br />
پختہ تر کر دو مزاج خانقاہی میں اسے</div>Waseem