View source for Maa ka khwab

<center>
==ماں کا خواب==

میں سوئی جو اک شب تو دیکھا یہ خواب<br>
بڑھا اور جس سے مرا اضطراب<br>

یہ دیکھا کہ میں جا رہی ہوں کہیں<br>
اندھیرا ہے اور راہ ملتی نہیں<br>

لرزتا تھا ڈر سے مرا بال بال<br>
قدم کا تھا دہشت سے اٹھنا محال<br>

جو کچھ حوصلہ پا کے آگے بڑھی<br>
تو دیکھا قطار ایک لڑکوں کی تھی<br>

زمرد سی پوشاک پہنے ہوئے<br>
دیے سب کے ہاتھوں میں جلتے ہوئے<br>

وہ چپ چاپ تھے آگے پیچھے رواں<br>
خدا جانے جانا تھا ان کو کہاں<br>

اسی سوچ میں تھی کہ میرا پسر<br>
مجھے اس جماعت میں آیا نظر<br>

وہ پیچھے تھا اور تیز چلتا نہ تھا<br>
دیا اس کے ہاتھوں میں جلتا نہ تھا<br>

کہا میں نے پہچان کر، میری جاں!<br>
مجھے چھوڑ کر آ گئے تم کہاں!<br>

جدائی میں رہتی ہوں میں بے قرار<br>
پروتی ہوں ہر روز اشکوں کے ہار<br>

نہ پروا ہماری ذرا تم نے کی<br>
گئے چھوڑ، اچھی وفا تم نے کی<br>

جو بچے نے دیکھا مرا پیچ و تاب<br>
دیا اس نے منہ پھیر کر یوں جواب<br>

رلاتی ہے تجھ کو جدائی مری<br>
نہیں اس میں کچھ بھی بھلائی مری<br>

یہ کہہ کر وہ کچھ دیر تک چپ رہا<br>
دیا پھر دکھا کر یہ کہنے لگا<br>

سمجھتی ہے تو ہو گیا کیا اسے؟<br>
ترے آنسوئوں نے بجھایا اسے<br>

</center>