View source for Amin E Raaz Hai Mardan E Hur ki Darvaishi

<center>
'''امین راز ہے مردان حر کی درویشی''' 

امین راز ہے مردان حر کی درویشی 
کہ جبرئیل سے ہے اس کو نسبت خویشی

کسے خبر کہ سفینے ڈبو چکی کتنے 
فقیہ و صوفی و شاعر کی نا خوش اندیشی

نگاہ گرم کہ شیروں کے جس سے ہوش اڑ جائیں 
نہ آہ سرد کہ ہے گوسفندی و میشی

طبیب عشق نے دیکھا مجھے تو فرمایا 
ترا مرض ہے فقط آرزو کی بے نیشی

وہ شے کچھ اور ہے کہتے ہیں جان پاک جسے 
یہ رنگ و نم، یہ لہو، آب و ناں کی ہے بیشی
</center>