Actions

Aawaz-e-ghaib

From IQBAL

Revision as of 19:01, 25 May 2018 by Ghanwa (talk | contribs) (Created page with "<div dir="rtl"> == آوازِ غیب == آتی ہے دمِ صبح صدا عرشِ بریں سے کھویا گیا کس طرح ترا جوہرِ ادراک! کس طرح ہُ...")
(diff) ← Older revision | Latest revision (diff) | Newer revision → (diff)

آوازِ غیب

آتی ہے دمِ صبح صدا عرشِ بریں سے

کھویا گیا کس طرح ترا جوہرِ ادراک!

کس طرح ہُوا کُند ترا نشترِ تحقیق

ہوتے نہیں کیوں تجھ سے ستاروںکے جگر چاک

تُو ظاہر و باطن کی خلافت کا سزاوار

کیا شُعلہ بھی ہوتا ہے غلامِ خس و خاشاک

مِہر و مہ و انجم نہیں محکوم ترے کیوں

کیوں تیری نگاہوں سے لرزتے نہیں افلاک

اب تک ہے رواں گرچہ لہُو تیری رگوں میں

نے گرمیِ افکار، نہ اندیشۀ بے باک

روشن تو وہ ہوتی ہے، جہاں بیں نہیں ہوتی

جس آنکھ کے پردوں میں نہیں ہے نگَہِ پاک

باقی نہ رہی تیری وہ آئینہ ضمیری

اے کُشتۀ سُلطانی و مُلّائی و پیری!