View source for نیا شوالا

<center>
==<big>نیا شوالا</big>==

سچ کہہ دوں اے برہمن! گر تو برا نہ مانے<br>
تیرے صنم کدوں کے بت ہو گئے پرانے<br>

اپنوں سے بیر رکھنا تو نے بتوں سے سیکھا<br>
جنگ و جدل سکھایا واعظ کو بھی خدا نے<br>

تنگ آ کے میں نے آخر دیر و حرم کو چھوڑا<br>
واعظ کا وعظ چھوڑا، چھوڑے ترے فسانے<br>

پتھر کی مورتوں میں سمجھا ہے تو خدا ہے<br>
خاک وطن کا مجھ کو ہر ذرہ دیوتا ہے<br>

آ، غیریت کے پردے اک بار پھر اٹھا دیں<br>
بچھڑوں کو پھر ملا دیں نقش دوئی مٹا دیں<br>

سونی پڑی ہوئی ہے مدت سے دل کی بستی<br>
آ، اک نیا شوالا اس دیس میں بنا دیں<br>

دنیا کے تیرتھوں سے اونچا ہو اپنا تیرتھ<br>
دامان آسماں سے اس کا کلس ملا دیں<br>

ہر صبح اٹھ کے گائیں منتر وہ مٹیھے مٹیھے<br>
سارے پجاریوں کو مے پیت کی پلا دیں<br>

شکتی بھی شانتی بھی بھگتوں کے گیت میں ہے<br>
دھرتی کے باسیوں کی مکتی پریت میں ہے<br>
</center>