View source for نوید صبح

<center>
== نوید صبح ==

آتی ہے مشرق سے جب ہنگامہ در دامن سحر <br>
منزل ہستی سے کر جاتی ہے خاموشی سفر<br>

محفل قدرت کا آخر ٹوٹ جاتا ہے سکوت<br> 
دیتی ہے ہر چیز اپنی زندگانی کا ثبوت<br>

چہچاتے ہیں پرندے پا کے پیغام حیات<br> 
باندھتے ہیں پھول بھی گلشن میں احرام حیات<br>

مسلم خوابیدہ اٹھ، ہنگامہ آرا تو بھی ہو<br> 
وہ چمک اٹھا افق، گرم تقاضا تو بھی ہو<br>

وسعت عالم میں رہ پیما ہو مثل آفتاب<br> 
دامن گردوں سے ناپیدا ہوں یہ داغ سحاب<br>

کھینچ کر خنجر کرن کا، پھر ہو سرگرم ستیز<br> 
پھر سکھا تاریکی باطل کو آداب گریز<br>

تو سراپا نور ہے، خوشتر ہے عریانی تجھے<br> 
اور عریاں ہو کے لازم ہے خود افشانی تجھے<br>

ہاں، نمایاں ہو کے برق دیدئہ خفاش ہو<br> 
اے دل کون ومکاں کے راز مضمر! فاش ہو<br>
</center>