View source for لائوں وہ تنکے کہیں سے آشیانے کے لیے

<center>
==لائوں وہ تنکے کہیں سے آشیانے کے لیے==

لائوں وہ تنکے کہیں سے آشیانے کے لیے <br>
بجلیاں بے تاب ہوں جن کو جلانے کے لیے<br>

وائے ناکامی، فلک نے تاک کر توڑا اسے<br>
میں نے جس ڈالی کو تاڑا آشیانے کے لیے<br>

آنکھ مل جاتی ہے ہفتاد و دو ملت سے تری<br>
ایک پیمانہ ترا سارے زمانے کے لیے<br>

دل میں کوئی اس طرح کی آرزو پیدا کروں<br>
لوٹ جائے آسماں میرے مٹانے کے لیے<br>

جمع کر خرمن تو پہلے دانہ دانہ چن کے تو<br>
آ ہی نکلے گی کوئی بجلی جلانے کے لیے<br>

پاس تھا ناکامی صیاد کا اے ہم صفیر<br>
ورنہ میں، اور اڑ کے آتا ایک دانے کے لیے!<br>

اس چمن میں مرغ دل گائے نہ آزادی کا گیت<br>
آہ یہ گلشن نہیں ایسے ترانے کے لیے<br>
</center>