View source for ظاہر کی آنکھ سے نہ تماشا کرے کوئی

<center>
==ظاہر کی آنکھ سے نہ تماشا کرے کوئی==

ظاہر کی آنکھ سے نہ تماشا کرے کوئی<br>
ہو دیکھنا تو دیدہء دل وا کرے کوئی<br>

منصور کو ہوا لب گویا پیام موت<br>
اب کیا کسی کے عشق کا دعوی کرے کوئی<br>

ہو دید کا جو شوق تو آنکھوں کو بند کر<br>
ہے دیکھنا یہی کہ نہ دیکھا کرے کوئی<br>

میں انتہائے عشق ہوں، تو انتہائے حسن<br>
دیکھے مجھے کہ تجھ کو تماشا کرے کوئی<br>

عذر آفرین جرم محبت ہے حسن دوست<br>
محشر میں عذر تازہ نہ پیدا کرے کوئی<br>

چھپتی نہیں ہے یہ نگہ شوق ہم نشیں!<br>
پھر اور کس طرح انھیں دیکھا کر ے کوئی<br>

اڑ بیٹھے کیا سمجھ کے بھلا طور پر کلیم<br>
طاقت ہو دید کی تو تقاضا کرے کوئی<br>

نظارے کو یہ جنبش مژگاں بھی بار ہے<br>
نرگس کی آنکھ سے تجھے دیکھا کرے کوئی<br>

کھل جائیں، کیا مزے ہیں تمنائے شوق میں<br>
دو چار دن جو میری تمنا کرے کوئی<br>
</center>