View source for ایک شام دریائے نیکر ہائیڈل برگ کے کنارے

<center>
=='''ایک شام دریائے نیکر ہائیڈل برگ کے کنارے'''==

خاموش ہے چاندنی قمر کی<br>
شاخیں ہیں خموش ہر شجر کی<br>

وادی کے نوا فروش خاموش<br>
کہسار کے سبز پوش خاموش<br>

فطرت بے ہوش ہو گئی ہے<br>
آغوش میں شب کے سو گئی ہے<br>

کچھ ایسا سکوت کا فسوں ہے<br>
نیکر کا خرام بھی سکوں ہے<br>

تاروں کا خموش کارواں ہے<br>
یہ قافلہ بے درا رواں ہے<br>

خاموش ہیں کوہ و دشت و دریا<br>
قدرت ہے مراقبے میں گویا<br>

اے دل! تو بھی خموش ہو جا<br>
آغوش میں غم کو لے کے سو جا<br>
</center>