Actions

شفاخانہ حجاز

From IQBAL

Revision as of 19:53, 26 May 2018 by Jawad Shah (talk | contribs) (Created page with "<center> == شفاخانہ حجاز == اک پیشوائے قوم نے اقبال سے کہا <br> کھلنے کو جدہ میں ہے شفاخانہ حجاز<br> ہوتا ہ...")
(diff) ← Older revision | Latest revision (diff) | Newer revision → (diff)

شفاخانہ حجاز

اک پیشوائے قوم نے اقبال سے کہا
کھلنے کو جدہ میں ہے شفاخانہ حجاز

ہوتا ہے تیری خاک کا ہر ذرہ بے قرار
سنتا ہے تو کسی سے جو افسانہ حجاز

دست جنوں کو اپنے بڑھا جیب کی طرف
مشہور تو جہاں میں ہے دیوانہ حجاز

دارالشفا حوالی لبطحا میں چاہیے
نبض مریض پنجہ عیسی میں چاہیے

میں نے کہا کہ موت کے پردے میں ہے حیات
پوشیدہ جس طرح ہو حقیقت مجاز میں

تلخابہ اجل میں جو عاشق کو مل گیا
پایا نہ خضر نے مے عمر دراز میں

اوروں کو دیں حضور! یہ پیغام زندگی
میں موت ڈھونڈتا ہوں زمین حجاز میں

آئے ہیں آپ لے کے شفا کا پیام کیا
رکھتے ہیں اہل درد مسیحا سے کام کیا!