Warning: "continue" targeting switch is equivalent to "break". Did you mean to use "continue 2"? in /home/www/iqbal.wiki/includes/json/FormatJson.php on line 297

Warning: "continue" targeting switch is equivalent to "break". Did you mean to use "continue 2"? in /home/www/iqbal.wiki/languages/LanguageConverter.php on line 773
http://iqbal.wiki/index.php?action=history&feed=atom&title=Khudi-chi-kulahu-lahu-ishq-o-muhabbat-khuni 2026-04-16T19:49:54Z Revision history for this page on the wiki MediaWiki 1.31.0-rc.0 http://iqbal.wiki/index.php?title=Khudi-chi-kulahu-lahu-ishq-o-muhabbat-khuni&diff=6135&oldid=prev 2018-06-21T09:42:23Z

<p>Created page with &quot; &lt;div dir=&quot;rtl&quot;&gt; &#039;&#039;&#039;خودي چي كله له عشق او محبت ځنې&#039;&#039;&#039; مضبوطه شي نو دا د نړۍ ښكاره او پټ قوتونه را لاندي ك...&quot;</p> <p><b>New page</b></p><div> &lt;div dir=&quot;rtl&quot;&gt; <br /> <br /> '''خودي چي كله له عشق او محبت ځنې'''<br /> <br /> مضبوطه شي نو دا د نړۍ ښكاره او پټ قوتونه را لاندي كړي<br /> <br /> چي له ډېره محبته، شي خودي كلكه محكمه<br /> <br /> نو قوت يې حكومت شي، د دنيا پر غره او سمه<br /> <br /> انځورونه چي د ستورو، اسمان كښېښول د بدئينې؟<br /> <br /> ده غوټۍ دي شوكولې، د خودۍ له ګوري ونې<br /> <br /> كه لاسونه د بنده وي، دا قوت يې لاس د خداى كړي<br /> <br /> بيا د ګوټې اشارت يې* ، د اسمان سپوږمۍ دوه ځاى كړي<br /> <br /> بيا هم دى تيږي ايښول كړي، او منصب د ټول جهان شي<br /> <br /> كه دارا وي كه جمشېد وي، ټول يې لاندي د فرمان شي<br /> <br /> بوعلي و قلندر ؤ، چې نامه يې په هند ښكاره ده<br /> <br /> د هغه قصه خو واوره، د ګوهر ډكه كاره ده<br /> <br /> په ګلزار د هندوستان كښې، په* چغار هغه بلبل ؤ<br /> <br /> خلقې ورته غوږ غوږ وې، په صفت د ښايسته ګل ؤ<br /> <br /> دا ټكړه مځكه هغه ده، چي پيدا ده له سور اوره<br /> <br /> خو د ده د لمن باد دا، په دنيا جنت كړو ګوره<br /> <br /> يوه ورځ د ده مريد ؤ، د بازار په لور په لار تلو<br /> <br /> له شراب د بوعلي يې، نشه ختې وه سرشار تلو<br /> <br /> را ښكاره د ښار حاكم شو، غاور سپور ؤ پر اس باندي<br /> <br /> قهرژني زغلېدى، د چوب دارو وروستو وړاندي<br /> <br /> يو ورچيغه په مريد كړه، وې يې چي واى چي روان تونديې<br /> <br /> د حاكم د سړو لار كښې، يې ولاړ لكه چي ړوند يې<br /> <br /> په خپل فكر كښې دروېش، ډوب تلو له ځانه بې خبر ؤ<br /> <br /> سر يې زوړند ګرېوانه ته، له جهانه بې خبر ؤ<br /> <br /> مست د كبر په نشه كښې، كوتك پورته كړو چوبدار<br /> <br /> د دروېش په سر يې مات كړو، غه ناترسه په ګزار<br /> <br /> لاره خوشې شوه حاكم ته، فقير خاورو كښې ريمن لاړ<br /> <br /> په خفګان او زړه يې ډك ؤ، رنـګ يې زېړ او مړغېژن لاړ<br /> <br /> په دربار د بوعلي كښې، يې دا ناوړي وه ژړلې<br /> <br /> تا به وېل چي پشكال دى، سترګې داسي ورېدلې<br /> <br /> لكه تندر له اسمانه، ورخطا د غره په لور شو<br /> <br /> شوه وينا يې د اور چله، بوعلي له قهره اور شو<br /> <br /> له رګ رګ ځنې ختلې، تكې سرې لمبې د ده وې<br /> <br /> د كاتب لور ته يې مخ كړو، په شعله ژبه يې ووې<br /> <br /> قلم پورته په تلوار كړه، غوږ مي ونيسه فرمان ته<br /> <br /> د فقير د خولې خبرې، پر كاغذ وكښه سلطان ته<br /> <br /> &quot;ستا حاكم زما مريد ته، سر مات كړى په وهلو<br /> <br /> سور انګار يې كړو راپور ته، په خپل ځان يې واچولو<br /> <br /> دا ناكاره حاكم پوه كړه، سزا وركړه وايم تا ته<br /> <br /> ګني ستا سلطنت اخلم، وربخښمه يې بل چا ته<br /> <br /> خط د خداى د نازولي، تر سلطان و رسېدلو<br /> <br /> ساه ترې وخته له وېري، رپېدلو دګېدلو<br /> <br /> باندي خپل غړي درانه شول، غر د غم د ده پر سر شو<br /> <br /> رنـګ يې و تښتېدو داسي، زېړى لمر د مازيګر شو<br /> <br /> په ځنځير يې و تړلو، چي حاكم وه كړې زياته<br /> <br /> بخښني غوښتو ته لاړو، قلندر ته ننواته<br /> <br /> وه خسرو شېرين زبانه! ، يو طوطي رنګين بيانه!<br /> <br /> له ضميره د قدرت وه، د نغمو چينه يې روانه<br /> <br /> په فطرت لكه سپوږمۍ ؤ، شوه خبره ده ته پاتې<br /> <br /> پوره نه وه د بل چا نه، داسي ګرانه ننواتې<br /> <br /> لاړ د ساز په ږغولو، هلته دى داسي راسر شو<br /> <br /> چي يې زړه ورته نرى، كړو ژړغونى قلندر شو<br /> <br /> په ښكاره خو د غر غوندي، د سلطان شان او شوكت ؤ<br /> <br /> په دې پوه شو چي لوړ شان يې، د يوې نغمې قېمت ؤ<br /> <br /> چرې زړه د دروېشانو، پام كوه چي آزار نه كړې<br /> <br /> چي وريته د خپله څټه، پام كوه په انګار نه كړې<br /> <br /> &lt;/div&gt;</div>

Mominamubashir